MahaDBT Lottery List; येथून पहा महाडीबीटी लॉटरीची नवीन लिस्ट/यादी

MahaDBT Lottery List : अनेक शेतकऱ्यांनी महाडीबीटी पोर्टल वरती शेतकरी योजनेसाठी अर्ज केलेले आहेत. महाडीबीटी पोर्टल मुळे शेतकरी योजनेसाठी अर्ज करणे सोपे झाले आहे. एकाच अर्जाद्वारे अनेक योजनांसाठी शेतकरी अर्ज करू शकतात.

MahaDBT Lottery List

महाडीबीटी पोर्टल वरती शेतकऱ्यांनी अर्ज केल्यानंतर त्यामध्ये निवड झाल्यास त्यांना एसएमएस द्वारे कळविले जाते. “mahadbt farmer list” शेतकऱ्याची निवड झाल्यांनतर संबधित योजनेसाठी लागणारी आवश्यक कागदपत्रे पोर्टल वरती अपलोड करावी लागतात.

कागदपत्रे ऑनलाईन महाडीबीटी पोर्टल वरती अपलोड केल्यानंतर कागदपत्राची पडताळणी केली जाते, व शेतकऱ्याला पूर्व संमतीपत्र (Sanction Letter) दिले जाते. जरी शेतकऱ्यांना निवड झालेला एसएमएस आला नाही तरी शेतकरी मोबाईल वरून लॉटरीची लिस्ट पाहू शकतात.

शेतकऱ्याची योजनेमध्ये निवड झाली आहे का हे चेक करण्यासाठी यापूर्वी पोर्टल वरती लॉगईन करून चेक करावे लागत असे, परंतु आता लॉगईन न करता शेतकरी लॉटरी लिस्ट मोबाईल वरती काढू शकतात. त्यामध्ये आपली निवड झाली का हे चेक करू शकतात.

महाडीबीटी लॉटरी लिस्ट मोबाईलवरून कशी पहायची.

MahaDBT Farmer Lottery List 2024

महाडीबीटी लॉटरी लिस्ट मोबाईल वरून पाहण्यासाठी शेतकऱ्यांनी सर्व प्रथम मोबाईलमध्ये https://mahadbt.maharashtra.gov.in/Farmer/ हि साईट ओपन करावी. शेतकऱ्यांना आता लॉटरी यादी, व अर्जाची सद्यस्थिती हे दोन पर्याय नवीन पाहायला मिळतील.

• साईट ओपन केल्यानंतर तुम्हाला खालील फोटोप्रमाणे पर्याय दिसेल.

• त्यामध्ये तुम्हाला लॉटरी यादी हा पर्याय दिसेल त्यावरती क्लिक करावे.
• डायरेक्ट साईट – https://mahadbt.maharashtra.gov.in/Farmer/Login/LotteryReport
• त्याठिकाणी तुम्हाला आर्थिक वर्ष निवडण्यासाठी पर्याय दिसेल. त्यामधून तुम्हाला ज्या वर्षातील यादी पहायची आहे ते वर्ष निवडू शकता.
• योजना पर्यायामधून कोणत्या योजनेची लॉटरी यादी पहायची आहे ती योजना निवडावी.
• मुख्य घटक – महिना – जिल्हा – तालुका निवडून शोधा बटन वरती क्लिक करा. तुम्हाला योजनेची लॉटरी यादी पाहायला मिळेल.

यादीमध्ये शेतकरी आपले नाव चेक करू शकतात. सूचना पर्यायामध्ये लॉटरी दिनांक पाहायला मिळेल.